الرئيسية / غير مصنف / مرجوحه الشعر

مرجوحه الشعر

تمرجح ياحرير اسرح على المتنين
لو هزك هوى ونسم على الفرعين
تمرجح مثل ماحبيت
رفرف علخدود وشفت الجكليت
شحد(شحد فيروز) غنت مثل ماغنيت
من تسرح وتسرح بيك المواويل
بنزل فرع للمحزم وفرع يشيل
ياطشه هلاهل تنفرط وتسيل
ياشوباش حنه بليله الكمره
للضيف العزيز الايذ بكتره
ياهاله ربيع او بالوسط زهره
تمرجح شيم العنبر يكت عطره
تمرجح يشهك النعناع بجعودك ويتغنه
ترف يمسافر ويالريح تتعثر على المتنين
كلبي يطيح يمنعثر كبل متطيح
وجروح الكلب تتوجه بضلوعي وتكت وتصيح
ياخيمه حسن ياروضة
امراجيح
انه امعلك ابروحاتج او جياتج بيابي العين
ترف والشوك يشرغ ليك يترجاك
لاتسرع تراه املوع الشهكات
جن عليك يتنخاك
تمهل وستجن مشوار
وحسبها علي منه
يلمشوبش على الجتفين
وين تريد كلي شبعد تتمنه
ترف لابت عليك الروح
لمت كل عواطفها او شالت على عواصفها
ونوت وياك لو ضعنيت تحط وياك لو حطيت
تروح وياك وين تروح
يبيرغ شوك يمهنه
ينايل ينثر الموجات
شوباش ويخجل طاسه الحنه
يريتك تسكن بروحي
وتطفي النار بجروحي
لمد الشوك جدامك
وخلي الما يشوف يشوف
اهلهل الف هلهوله
واغيظ الامني ولامك
واخلي المايشوف يشوف
وخلها تصير الك حنه
يلمحنه

عن Sam Nan

x

‎قد يُعجبك أيضاً

تَراتِيل

آمَنْتُ أَنكِ يا حَبيبةُ باقيةْ وغدًا سَتَلتئِمُ الجِراحُ بشاطِئيكِ وتَنحني الآهاتُ إجلالاً ...