همسات قلب

  د.بهية أبو حمد

يازمن ليشك هيك  غدار
وبقلبي يا قاسي تزيد جروحاتو
حلك تشيل الحقد عني والنار
ولو كنت صلبت
الرب  عاخشباتو
قلي  يا زمن شو مخبي  باختصار
ورحم  قلبي ودموع  عناتو
وليخبرك هالقلب  شو عندو أخبار
النار بتندلع بمجرى عروقاتو
و اسألي ليش بهالقلب  هيك  صار
بركي بتقدر  تخفف دقاتو
وليش بعذاب روحو محتار
وجحيم الشوق بهوى  نهداتو
وان كان الدوا عندو  بصار
يبرج لقلبي  ويغذي دماتو
جيب الدوا وبعد كم نهار
رجاع وحركش بالجرح  زاتو
وأن لقيت بدقتو الهموم  كتار
والجرح بعدو مكمش  بعلاتو
لابدي دوا  ولا مختار
عاقلبي كل ساعة يرشق  سهاماتو
ما بدي إلا سكينة الجزار
تقلع قلبي  وتوقف نبضاتو
وأيدي بأيدك  باخر
المشوار
مع قلب  جديد وحبر صفحاتو

عن Sam Nan

x

‎قد يُعجبك أيضاً

عرفت راوية أنّ صيّادها… أخذ ما يريد من قلبها و غادر ببساطة ..

يقولون إنّ النساء متذمرات شكّاءات لا يقفن عن النقنقة والصراخ والبكاء ..يرون ...